ከትንሣኤ እሑድ በኋላ ያሉ ዕለታት ስያሜ በአጭሩ - አትሮንስ ዘተዋሕዶ

አትሮንስ ዘተዋሕዶ

አትሮንስ ዘተዋሕዶ በድምጽ፤ በምስልና በጽሑፍ ዘገባዎችን ያቀርባሉ፡፡

አትሮንስ ዘተዋሕዶ ብሎግ በኢ/ኦ/ተ/ቤ/ክ ሥርዓትና ደንብን ጠብቆ በድምጽ፤ በምስልና በጽሑፍ እየተዘጋጀ የሚቀርብበት ነው።

በመምህር ንጋቱ አበበ እየተዘጋጀ የሚቀርብ ብሎግ ነው፡፡

በመምህር ንጋቱ አበበ እየተዘጋጀ የሚቀርብ ብሎግ ነው፡፡

በቅርብ የተጻፉ

Home Top Ad

Post Top Ad

Friday, April 24, 2020

ከትንሣኤ እሑድ በኋላ ያሉ ዕለታት ስያሜ በአጭሩ


ከትንሣኤ እሑድ በኋላ ያሉ ዕለታት ስያሜ በአጭሩ #ሰኞ - #ማዕዶት ይባላል፡- ማዕዶት ማለት መሻገር፣ ማለፍ ማለት ነው፡፡ በዚህ ዕለት በፋሲካችን በክርስቶስ ትንሣኤ ከድቅድቅ ጨለማ ወደ ሚደነቅ ብርሃን፣ ከሞት ወደ ሕይወት፣ ከሲኦል ወደ ገነት፣ ከሃሳር ወደ ክብር መሻገራችንን እናስባለን፡፡ ================================ #ማክሰኞ - #ቶማስ ይባላል፡- በዚህ ዕለት ቶማስ ጌታን አይቶ ማመኑ፤ ጌታዬና አምላኬ ብሎ መመስከሩ ይዘከራል፡፡ 《ዮሐ. 20፡27-29》 በዓለ መላእክት ይባላል፦ ስለ ቅዱሳን መላእክት የምንመሰክርበት ዕለት ነው። ================================ #ረቡዕ - #አልዓዛር ይባላል፡- በዚህ ዕለት ትንሣኤና ሕይወት የሆነው ጌታ ኢየሱስ አልአዛርን ከሞት እንዳስነሳው እናስባለን፡፡ ክርስቶስ የሞትን ስልጣን የሻረ የሕይወት ራስ፤ የመቃብርን ሥርዓት ያጠፋ ትንሣኤ፡ በድልም ያረገ ንጉሥ መሆኑን እንመሰክራለን፡፡ ================================ #ሐሙስ - #አዳመ_ሐሙስ ይባላል፡- በዚህ ዕለት ለአዳም የተሰጠው ተስፋና የተገባለት ኪዳን በኢየሱስ ክርስቶስ ሞትና ትንሣኤ እንደ ተፈጸመና አዳም ከነልጅ ልጆቹ ወደ ገነት በክብር መግባቱን እናስባለን፡፡"የአዳም ሐሙስ” ================================ #ዓርብ - #ቅድስት_ቤተ ክርስቲያን ይባላል፡- በዚህ ዕለት ቤተክርስቲያን በክርስቶስ ሞትና ትንሣኤ ስለመመስረቷ ይሰበካል፡፡ ክርስቶስ ስለ እርሷ ራሱን አሳልፎ ሰጥቶ ቤዛ ሆኖ በደሙ አንጽቶ በትንሣኤው ድል ሰጥቶ እንዳከበራት ይነገራል፡፡ ቤተክርስቲያን ስንል ሕንፃውን ሳይሆን አማኞችን ነው፤ ክርስቶስ ለሕንፃ አልሞተምና፡፡ ================================ #ቅዳሜ - #ቅዱሳት_አንስት ይባላል፡- በዚህ ዕለት ቅዱሳት አንስት የክርስቶስን አካል ሽቶ ለመቀባት ጨለማ አቋርጠው ወደ መቃብር መምጣታቸውና ትንሣኤውንም ቀድመው ማየታቸው ይሰበካል፡፡ ================================ #እሑድ - #ዳግም_ትንሣኤ ይባላል፡- በዚህ ዕለት ክርስቶስ ለሦስተኛ ጊዜ ለደቀ መዛሙርቱ ተገልጦ ሰላምን መስበኩና ሥልጣንን መስጠቱ ይሰበካል፡

No comments:

Post a Comment

Post Bottom Ad

Pages