ሚያዝያ ፲፩ ግጻዌ(ዐቢይ ጾም/ኒቆድሞስ) - አትሮንስ ዘተዋሕዶ

አትሮንስ ዘተዋሕዶ

ስብኩ ወንጌለ ለኩሉ ፍጥረት ማቴ 16፤15

(አትሮንስ ዘተዋሕዶ በኢ/ኦ/ተ/ቤ/ክ ሥርዓትና ደንብን የጠበቁ ጽሑፎችና ምስሎች በመ/ር ቀሲስ ንጋቱ አበበ እየተዘጋጀ የሚቀርብ ነው)

(አትሮንስ ዘተዋሕዶ በኢ/ኦ/ተ/ቤ/ክ ሥርዓትና ደንብን የጠበቁ ጽሑፎችና ምስሎች በመ/ር ቀሲስ ንጋቱ አበበ እየተዘጋጀ የሚቀርብ ነው)
በተጨማሪም አትሮንስ ዘተዋሕዶ ኦርቶዶክሳዊ ትምህርቶችና የቤተ ክርስቲያን መረጃዎችንና ዜናዎችን ያቀርባል።

በቅርብ የተጻፉ

Home Top Ad

Post Top Ad

Friday, April 23, 2021

ሚያዝያ ፲፩ ግጻዌ(ዐቢይ ጾም/ኒቆድሞስ)

ሚያዝያ ፲፩ ግጻዌ(ዐቢይ ጾም/ኒቆድሞስ)
__________________________________ #ስንክሳር:- ሚያዝያ 11 ቀን የሚከበሩ ዓመታዊ የቅዱሳን በዓላት ፣ቅድስት ታኦድራ ገዳማዊት፣አባ በኪሞስ ጻድቅ፣ ስምኦን ዘለምጽ፣ ቅዱስ ዮሐንስ ኤዺስ ቆዾስ #ወር በገባ በ፲፩ የሚታሰቡ በዓላት ፣ቅዱስ ያሬድ ካህን ቅዱስ ገላውዴዎስ ሰማዕት፣ቅዱስ ፋሲለደስ ሰማዕት ብፁዐን ኢያቄም እና ሐና፣አቡነ ሐራ ድንግል ጻድቅ ቅድስት ታኦድራ ገዳማዊት ______________________ በዚች ዕለት ሚያዝያ ዐሥራ አንድ ቀን የከበረችና የነጻች እመሜኔት ታዖድራ አረፈች።ይቺም ቅድስት ከእስክንድርያ አገር ከታላላቆች ባለጸጎች ወገን ናት ወላጆቿም ክርስቲያኖች ናቸው ።እነርሱም ዋጋው ብዙ በሆነ በወርቅና በብር ያጌጡ የከበሩ ልብሶችን አሠሩለት ከእርስዋ በቀር ልጅ ስለሌላቸው ሊአጋቡአት እነርሱ ያስባሉና። እርሷ ግን የምንኲስና ልብስ ለብሳ በክብር ባለቤት ክርስቶስ ስም ልትጋደል ትወዳለች መከራ መስቀሉንም ልትሸከም ትወድ ነበር የዚህን የኃላፊውን ሠርግ አልፈለገችም ።ከዚህም በኃላ የወላጆቿን ዕቃ ገንዘብ ወስዳ ለሚሸጥላት ሰጠችው ለድኆችና ለምስኪኖች መጸወተች በቀረውም ከእስክንድርያ ውጭ በስተምዕራብ አብያተ ክርስቲያናትን አነፀች። ወደ እስክንድያው ሊቀ ጳጳሳት ወደ አባ አትናቴዎስም ሔዳ ራሷን ተላጭታ ከእርሱ ዘንድ መነኰሰች ።ከደናግል ገዳማትም ወደ አንዱ ገብታ በገድልም ተጸምዳ ጽነዕ ገድልን ተጋደለች አምላካዊ ራእይንም ታይ ዘንድ ተገባት መላእክትን ታያለችና የሰይጣናትንም ሥራቸውን ለይታ ታውቃለችና ለሠሩ የታሰቡትን የምታውቅበትና የምትፈትንበት እውቀት ተሰጣት። ቅዱስ አትናቴዎስም በእርሷ ፈጽሞ ደስ ይለው ነበር ወደርሱም ይጠራታል እርሱም ሊጎበኛት ወደርሷ ይሔዳል ኀሳቧንም ትገልጥለታለች እርሱም የጠላት ደያብሎስን ወጥመዱንና ምትሐቱን ያስገነዝባታል።ከመንበረ ሢመቱ ከእስክንድርያ በአሳደዱትም ጊዜ ብዙዎች ድርሳናትን ጽፎ ላከላት። ይቺም ቅድስት እጅግ እስከአረጀች ድረስ ኖረች በመንፈሳዊ ተጋድሎም የጸናች ናት እርስዋ ከአምስቱ ሊቃነ ጳጳሳት ተምራለችና ።እሊህም እለ እስክንድሮስ አትናቴዎስ ጴጥሮስ ጢሞቴዎስና ተዎፍሎስ ናቸው። እንዲህም ብለው ጠየቋት ሰው ተርታ ነገር ቢናገር ዝም በል ሊሉት ወይም እንዳይሰሙት ጆሮአቸውን መክደን ይገባልን እንዲህም ብላ መለሰች ምንም ምን ሊሉት አይገባም ነገሩ ደስ እንዳላቸው ሆነው ዝም ይበሉ እንጂ ሰው ማዕዱን በፊትህ ቢያኖር በላይዋም በጎ የሆነና ብላሽ የሆነ ምግብ ቢያኖር ይህን ብላሹን ከእኔ ዘንድ አርቀው አልሻውም ልትለው አይቻልህም መጥፎውን ትተህ ከምትፈቅደው ትበላለህ እንጂ ያለ ትሕትና ያለ ጾምና ጸሎት ሰይጣንን ድል የሚነሣው የለም። አጠቃላይ ዕድሜዋም መቶ ዓመት ሆኖዋት በሰላም አረፈች ጸሎቷ በረከቷ ከኛ ጋራ ለዘላለም ይኑር አሜን። #በዘችም ቀን የጋዛ ኤጲስቆጶስ የዮሐንስ መታሰቢያው ነው ።ደግሞ የእስክንድርያው የአባ በኪሞስ የስምዖን ዘለምጽና እግዚአብሔርም በጸሎታቸው ለዘላለሙ ይማረን አሜን። ሚያዝያ፣ ፲፩ ምንባባትና ቅዳሴ __________________________ መልእክተ ጳውሎስ ወደ ሮሜ ሰዎች ም. ፲፮ ቊ. ፩ - ፫ ___________________________ መልዕክት ፪ኛ ዮሐ ፩፣ ፩-፲፩ ______________ ግብረ ሐዋርያት የሐዋርያት ሥራ ም. ፲፫ ቊ. ፲፮ - ፳፩ _____________________________ ምስባክ ዘቅዳሴ ______________ አዋልደ ንግሥት ለክብርከ ወትቀወወም ንግሥት በየማንከ በአልባሰ ወርቅ ዑፅፍት ወኁብርት መዝሙረ ዳዊት ም. ፵፭ ቊ. ፱ - ፲፯ ____________________________ ፱ የንጉሦች ሴት ልጆች ለክብርህ ናቸው፤ በወርቅ ልብስ ተጐናጽፋና ተሸፋፍና ንግሥቲቱ በቀኝህ ትቆማለች። ፲ ልጄ ሆይ፥ ስሚ እዪ ጆሮሽንም አዘንብዪ፤ ወገንሽን ያባትሽንም ቤት እርሺ፤ ወንጌል ዘቅዳሴ የማቴዎስ ወንጌል ም. ፲፯ ቊ. ፲፬ - ፳፬ _______________________________ የዕለቱ ቅዳሴ __________ ዘእግዝትነ (ጎሥዓ) ወስብሐት ለእግዚአብሔር

No comments:

Post a Comment

Post Bottom Ad

Pages