ዜና ዕረፍት

 ከ40 በላይ ወንበር ዘርግተው ያስተማሩት የዝዋይ ሐመረ ብርሃን ቅዱስ ገብርኤል ገዳም አበምኔት የኔታ ሐረገ ወይን ምሕረቱ ከዚህ ዓለም ድካም ዐረፉ!!

(መጋቢት 2 ቀን 2015 ዓ.ም

አዲስ አበባ-ኢትዮጵያ )

በርካታ ጳጳሳትንና ሊቃውንትን አስተምረው ያበቁት ታላቁ የአቋቋሙ ሊቅና የጸሎት አባት የዝዋይ ሐመረ ብርሃን ቅዱስ ገብርኤል ገዳም አበምኔት የኔታ መምህር ሐረገ ወይን ምሕረቱ በ99 ዓመታቸው ከዚህ ዓለም ድካም ዐርፈዋል።

መጋቢት 1 ቀን 2015 ዓ.ም ከሌሊቱ 5:00 ላይ የመንፈስ ቅዱስ ልጆቻቸው ከበዋቸው እያሉ ነፍሳቸው ወደፈጣሪዋ አርጋለች ሲሉ አባ አትናቴዎስ ወልደ ጎርጎርዮስ በፌስቡክ ገጻቸው ገልጸዋል።

የኔታ ሐረገ ወይን ከአርባ ዓመት በላይ ወንበር ዘርግተው ያስተማሩ፣ ከብፁዕ ወቅዱስ አቡነ ተክለሃይማኖት ጊዜ ጀምሮ ሁለት ጊዜ ያክል ለጳጳስና ቢጠየቁም ምንኩስናዬ ይበቃኛል በማለት በዓታቸውን ያጸኑ ጸሎተኛ አባት እንደነበሩም ተገልጿል።

ለተጨማሪ መረጃ የሀገረ ስብከቱ ማኅበራዊ ድረ-ገጾችን ይጎብኙ:-

1. ድረ-ገጽ:- www.addisababa.eotc.org.et