መካነ ስብሐት ልደታ ለማርያም ቤተ ክርስቲያን ውሉደ ኤስድሮስ ሰንበት ት/ቤት ጎንደር

ሰንበት ት/ቤት ዘጎንደር

እናስተዋውቃችሁ- ፫

የሰ/ት/ቤቱ ሥም :- መካነ ስብሐት ልደታ ለማርያም ቤተ ክርስቲያን ውሉደ ኤስድሮስ ሰንበት ት/ቤት

ቤተ ክርስቲያኑ የታነጸበት ጊዜ :- በ1703ዓ/ም በአፄ ዮስጦስ ሲሆን ከጎንደር አርባ አራቱ ታቦታት አንዱ ነው፡፡

ዓመታዊ ክብረ በዓል፦ ግንቦት 1 ልደታ ለማርያም፣ ኅዳር 12 ቅዱስ ሚካኤል እንዲሆም ጥር 10 የጥምቀት ዋዜማ ታቦቱ ሕጉ ወደ መጠመቂያ ቦታ ይወርዳል፡፡

ሰ/ት/ቤቱ የምሥረታ ጊዜ :- ሐምሌ 21/1984 ዓ/ም

መገኛ ሀገረ ስብከት:-በማ/ጎንደር ሀገረ ስብከት በጎንደር ርዕሰ ከተማ ወረዳ ቤተ ክህነት

የቤተ ክርስቲያኑ አድራሻ፤ ጎንደር ዞብል ክፍለ ከተማ ልደታ ቀበሌ 16

የሰ/ት/ቤቱ የጉባዔ አከፋፈል፤ የህጻናት፣ማዕከላውያን እና የአዋቂዎች

፩/የህፃናት ጉባኤ መርሐ ግብሮች-

ሀ/የፀሎት መርሃ ግብር ረቡዕ ከ11:00-11:30

ለ/መደበኛ ጉባዔ መርሐ ግብር ቅዳሜ እና እሁድ 8:30-9:30

፪/ የማዕከላዊ መርሐ ግብር

ሀ/የፀሎት መርሃ ግብር ረቡዕ ከ11:00-11:30 ከሕፃናት ጋር

ለ/መደበኛ ጉባዔ መርሐ ግብር ቅዳሜ እና እሁድ 9:30-10:30

3/ የአዋቂዎችጉባኤ መርሐ ግብሮች-

ሀ/የመሐረነ አብ ፀሎት ዘወትር አርብ ከ11 :00 - 12:00

ለ/ማክሰኞ እና አሙስ ከ11:30-12:30 መዝሙር ጥናት

ሐ/መደበኛ ጉባዔ መርሐ ግብር ቅዳሜ እና እሁድ 10:30-12:30

በደብሩ የሚገኙ የአብነት ት/ቤቶች

፩/ቅዳሴ ትምህርት ቤት፣

፪/የአራቱሞ ጉባዔያት ትምህርት ቤት

፫/አቋቋም ትምህርት ቤት

ደብሩ አዋሳኞች

በስተምስራቅ ጎንደር ዩኒቨርስቲ ሆስፒታል

በምዕራብ ጎንደር ዩኒቨርስቲ ቴዎድሮስ ግቢ/ጎንደር ማዕከል ማኅበረ ቅዱሳን

በሰሜን ቀራንዮ መድኃኒዓለም ቤተ ክርስቲያን

በደቡብ ቀበሌ 18 አበራ ቅዱስ ጊዮርጊስ ቤተ ክርስቲያን

ከሰ/ት/ቤቱ አርያአነት ያለው ተሞክሮ ፤

፩/ በመንፈሳዊ ህይወታቸው አርአያነት ያለቸው እስከ ምንኩስና የደረሱና በሥጋዊ እውቀታቸው ከፍተኛ ደረጃ የደረሱ በተለያዩ የመንግሥት መስሪያ ቤቶችና የትምህርት ተቋማት የሚሰሩ አባላትን ማፍራቱ፡፡

፪/ከደብር ሰበካ ጉባዔ ጋር ጠንካራ ግንኙነት መኖር

፫/ህንጻ ቤተ ክርስቲያኑን የተዋጣለት አደረጃጀት በመሥራት በአጭር ጊዜ አሁን እስከ ደረሰበት ድረስ በጋራ ሥራዎችን መሥራታቸው ፡፡

፬/መጽሐፍትን በህትመት መንገድ አዘጋጅተው የሚያቀርቡና በጎንደር በተለያዩ ቦታዎች እየተጋበዙ ትምህርት አገልግሎት የሚሰጡ በርካታ መምህራን ማፍራቱ

፭/ሊቃውንተ ቤተ ክርስቲያን እየተጋበዙ በተለያዩ ርዕሱ ጉዳዮች ትምህርት የሚሰጡበት፣ምዕመናን የሚሰማቸውን ጥያቄ የሚጠየቁበትና ምላሽ/ማብራሪያ የሚያገኙበት ‹‹ ቤተ ልሔም›› የሚል መርሐ ግብር በቋሚነት የሚከናወንበት መሆኑ፡፡

፮/ ሰንበት ት/ቤቱ የራሱን ንዋየ ቅድሳን መሻጫ ሱቅ ያለው መሆኑ

ስለ ሰንበት ት/ቤቱ አድራሻ
የቀድሞዋ ልደታ ቤተ ክርስቲያን ገጽታ

መዘምራን በአገልግሎት ላይ